Ушбу рукнимиздаги энг сўнгги янгиликлар билан таништиришда давом этамиз.
«Герта»га Маттео керак
Лондоннинг «Арсенал» жамоаси ярим ҳимоячиси Маттео Гендузи фаолиятини Бундеслигада давом эттириши мумкин.
Айни дамда, француз «Герта» клуби сафида ижара асосида тўп сурмоқда. Немис нашрларининг маълум қилишича, ярим ҳимоячининг ўйинларидан Берлин шаҳри жамоаси тўлиқ қаноатланмоқда. Шу боис, унинг трансферини тўлиқ сотиб олмоқчи.
Маълумотларга қараганда, «Герта» футболчи учун қишда «Арсенал»га 25 миллион евро таклиф қилади.
Алаба трендда!
Мадриднинг «Реал» жамоаси айни дамда «Бавария» билан шахсий шартнома борасида келиша олмаётган Давид Алаба билан музокаралар ўтказмоқда.
«Соccэр» нашрининг маълум қилишича, Давид ўз клубидан талаб қилаётган 12 миллион евролик маошни Мадрид клуби тўлаб беришга тайёр эканлигини маълум қилган.
Манбанинг маълум қилишича, «Реал» шу йўсинда 34 ёшли Серхио Рамоснинг ўрнини тўлдиришга уриниб кўради.
Симоне Эдер кетади!
«Торино» клуби шарафини ҳимоя қилаётган Симоне Эдер фаолиайтини бошқа жамоада давом эттиришга жуда яқин турибди.
23 ёшли футболчи ўйин амалиётисиз қолиб кетаётганидан хафа. Шу боис, раҳбариятдан ўзини қўйиб юборишларини талаб қилмоқда.
«LGDS» нашри берган маълумотларга қараганда, ҳимоячи билан Женоа клуби жиддий қизиқиб қолган. Агар томонлар келишувга эришса, Эдер қишда Элдор Шомуродов билан жамоадош бўлади.
«Ливерпуль»га у керак!
Англиянинг «Ливерпул» жамоаси «Лилл» ярим ҳимоячиси Ренату Саншешни ўз таркибига қўшиб олмоқчи.
«Goal» нашрининг маълум қилишича, «мерсисайдликла» учун бу трансфер 18 миллион еврога айланади. Аввалроқ футболчи билан «Вулверҳемптон» клуби ҳам қизиқиб қолган эди.
Эслатиб ўтамиз, Саншешнинг «Лилл» билан тузган шартномаси 2023 йилда ўз якунига етади.
Забицер Жозега керак
Германиянинг «РБ Лейпсиг» жамоаси ярим ҳимоячиси Марсел Забицер фаолиятини «Тоттенҳем»да давом эттириши мумкин.
26 ёшли футболчи билан «шпорлар» жиддий қизиқиб қолган. Футболчининг клуб тузган шартномаси 2022 йилда якунига етади. Шу боис, «буқалар» ўз сардорини жамоада сақлаб қолиш мақсадида янги шартнома таклиф этишмоқда.
Эслатиб ўтамиз, аввалроқ Марсел бошқа жамоага ўтмоқчи эканлиги ҳақида хабар берган ва клуб билан ўртадаги шартномани узайтирмаган эди.
