Туриннинг «Ювентус» клуби бош мураббийи Андреа Пирло А Серия доирасида «Фиорентина» (0:3) клубидан қабул қилиб олинган мағлубият ҳақида фикр билдирди.

«Наполи» устидан қозонилган ғалабани бекор қилиниши? Бу бизни оқлаш учун сабаб бўла олмайди. Биз ўйинни нотўғри муносабат билан бошладик. Агар бундай воқеа содир бўладиган бўлса, бу нарса ёмон натижа билан тугаши аниқ эди.

Энди бир неча кун дам оламиз. Кейин йўл қўйилган хатоларни, вазиятларни ва камчиликлар устида ишлашни муҳокама қиламиз. Кузатишимиз керак бўлган аниқ бир лойиҳамиз бор.

Биз кучли жамоа эканлигимизни биламиз, лекин, агар «Милан» ва «Интер» биздан юқорида турибдими, демак айни пайтда улар биздан яхшироқ. Келинглар ҳозир ким фаворит эканлигини муҳокама қилмай турамиз», – деди Пирло.