Лондоннинг «Арсенал» клуби ҳимоячиси Шкодран Мустафи январь ойида жамоасини ўзгартириш мумкин. Бу ҳақда унинг агенти Эмре Ўзтурк маълумот тарқатди.
«Айни пайтда Барселонадаман. Бу ерга Юсуф Демир сабабли эмас, "Арсенал" ҳимоячиси Мустафининг масаласи билан ташриф буюрдим», - деди Ўзтурк ZRAFC билан суҳбатда.
Қайд этиш керакки, 28 ёшли германиялик ҳимоячи «Арсенал» таркибида етарлича ўйин амалиётига эга бўлмаяпти. Жорий мавсум Мустафи «канонирлар»нинг барча мусобақаларидаги 8 та ўйинида иштирок этди.
Шкодраннинг лондонликлар билан амалдаги шартномаси 2021 йилнинг 30 июнь куни якунланади. Унинг трансфер нархи 12 миллион евро атрофида баҳоланмоқда.
Ўзтурк Мустафини қайси жамоага ўтказаётгани ҳақида аниқ маълумот бермаган.
