Мадриднинг «Реал» клуби бош мураббийи Зинедин Зидан Ла Лиганинг 15-тур доирасида «Гранада» (2:0) устидан қўлга киритилган ғалаба ҳақида фикр билдирди.
«Бу қийин ўйин бўлди. Ўйингача йигитларга қийин бўлишини айтгандим. Рақиб жуда яхши прессинг уюштирди. Биринчи бўлим осон бўлмади, иккинчи бўлимда яхши ўйнадик. Йигитларнинг кўрсатган ўйинидан қониқдим, қийин бўлишига қарамай, ҳақли равишда ғалаба қозондик.
Иккинчи бўлимда яхши ўйнадик, тез-тез тўпга эгалик қилдик. «Гранада» яккакурашларда яхши ўйнади ва бизга муаммо туғдирди. Яхши жамоани устидан ғалаба қозондик ва кетма-кет олтита учрашувда ютиб келяпмиз.
Футболчилардан майдонда мана шундай кураш олиб боришларини сўраб қоламан. Ҳозир улар бир неча кун оила-аъзолари билан ҳордиқ чиқаришади ва ундан кейин машғулотларга қайтамиз.
Азарни майдонга туширмаганимни сабаби - ўйин қийин кечди, унинг соғлиги борасида таваккал қилгим келмади. У босқичма-босқич таркибга қайтади», – деди Зидан.
