«Манчестер Юнайтед» клуби маошлар билан боғлиқ харажатни камайтириш мақсадида қишда 4 нафар футболчини сотиб юбормоқчи.
Ҳимоячилар Фил Жонс ва Маркос Рохо, дарвозабон Серхио Ромеро, шунингдек, ярим ҳимоячи Жесси Лингард «Олд Траффорд»ни тарк этиши керак. Жамоа мураббийлар штаби мазкур ўйинчиларни ўз режаларига киритмаяпти.
Жонснинг «МЮ» билан шартномаси 2023 йилга қадар тузилган. Лингард, Рохо ва Ромеронинг шартномалари эса жорий мавсум охирида якунига етади.