«Интер» кеча 2020 йилдаги сўнгги учрашувни ўтказди. Антонио Конте шогирдлари Италия А сериясининг 14-туридан ўрин олган «Верона»га қарши ўйинда ғалаба қозонишди – 2:1.
«Нерадзурри» якунланаётган йилда рақиблар дарвозасига жами 108та тўп киритди ва клуб рекордини такрорлади. «Интер» 1961 ва 2007 йилларда ҳам шунча гол урган эди.
Эслатиб ўтамиз, "Интер" Италия чемпионатининг жорий мавсумида 14та ўйиндан кейин 33 очко билан жадвалда 2-ўринни эгаллаб турибди. Жамоа «Милан»дан атиги бир очко ортда қолмоқда.













