Англиянинг «Манчестер Юнайтед» клуби ҳимоячиси Гарри Магуайр «Лестер» ҳужумчиси Жейми Варди ҳақида фикр билдирди.
«Жейми – ажойиб футболчи. У ёзда «Олтин бутса»ни қўлга киритди, у учун жуда хурсандман. Мен машғулотлар пайтида Вардига қарши жуда кўп ўйнаганман ва ўтган мавсумда унга иккита расмий учрашувда ўйнашимга тўғри келди, шу сабабли уни тўхтатиш қийинлигини биламан, умид қиламанки, жамоадошларим билан биргаликда Вардига тўсқинлик қилишга ҳаракат қиламиз», - ҳимоячининг сўзларидан иқтибос келтирмоқда Manchester Evening News нашри.
«Лестер» ҳамда «Манчестер Юнайтед» жамоалари ўртасидаги учрашув эртага Тошкент вақти билан соат 17:30да бошланади.
