Англия матбуотининг тарқатган маълумотига қараганда, «Манчестер Юнайтед» клуби Давид Алабага бўлган қизиқишни тўхтатмоқчи. Оле-Гуннар Сульшер раҳбариятга футболчининг трансфери борасида ўз фикрини билдирди.
Норвегиялик мураббийнинг фикрича, Алабанинг маошини ҳисобга олган ҳолда, у учун кураш олиб боришдан маъно йўқ. Алаба 15-20 миллион евро атрофида маош талаб қилмоқда.
Австриялик футболчининг "Бавария" билан амалдаги шартномаси 2021 йилнинг ёзида якунланади ва эркин агентга айланади. Алаба учун асосий номзод – ПСЖ, «Реал» ва «Манчестер Сити» клублари бўлиб турибди.
