«Манчестер Юнайтед» бош мураббийи Оле-Гуннар Сульшер Англия чемпионатининг 15-тури доирасида бўлиб ўтган «Лестер»га қарши ўйин (2:2) борасида ўз фикрини билдириб ўтди.

«Ғалаба қозонмаганимиздан ҳафсалам пир бўлди. Чунки биз жуда кўп яхши вазиятлар яратдик. Ўйин тақдирини ҳал қилиб қўйишимиз мумкин эди, аммо «Лестер» – хавфли рақиб, Варди томонида урилган гол буни тасдиқлади.

Рэшфорд чиройли гол урди, унинг учун хурсандман. Қўлдан бой берилган биринчи вазият ҳам ажойиб бўлганини у тушуниб турганди. Ўтказиб юборилган ҳар иккала гол пайтида биз рақибни эртароқ ёпишимиз керак эди.

Уч кундан кейин яна майдонга тушамиз. Тикланиш учун фақат бир кун вақтимиз бор. Бир очко — жуда ёмон натижа эмас, аммо кучли рақибга қарши ўйинда 3 очкони қўлга киритмаганимиздан хафа бўлдик», – деди Сульшер.