Саудия Арабистони чемпионатининг 10-турида "Ал-Наср" "Дамак" жамоаси (2:2) билан дуранг ўйнади.
Учрашувнинг 48-дақиқасида ажойиб вазият юзага келди. "Ал-Наср"нинг бразилиялик ҳимоячиси Майкон тўпни боши билан ўз дарвозабонига етказиб бермоқчи бўлди, бироқ, бу пайтда дарвозабон ўз ўрнини ташлаб чиқиб кетганлиги сабабли, вазиятни назорат қила олмади. Натижада Майкон кутилмаганда ўз дарвозасини ишғол қилди ва йил автоголига "муаллифлик" қилди.
Қайд этиш керакки, Майкон авваллари "Порту", "Галатасарай", "Сан-Паулу", "Крузейру" ва "Насьонал" жамоалари тўп сурган.
