Аввалроқ Мадриднинг «Атлетико» клуби ҳужумчиси Диего Коста жамоани тарк этиш ниятида эканлиги ҳақида хабар тарқалганди. Футболчи ҳатто машғулотларда бойкот эълон қилишга ҳам улгурди.
Испания матбуотининг тарқатган маълумотига қараганда, Лондоннинг «Арсенал» клуби Коста билан январь ойида шартнома имзолашга тайёр эканлигини билдирди. «Канонирлар» бош мураббийи Микель Артета Костанинг жамоага олиб келишни шахсан ўзи хоҳламоқда.
Бундан ташқари, «Арсенал» яна бир ҳужумчи билан шартнома имзолаш ҳақида ўйламоқда. Шу тариқа лондонликлар ўз ҳужум чизиғини кучайтириш ниятида.
