«Барселона» ярим ҳимоячиси Филиппе Коутиньо Испания чемпионатининг 16-тури доирасида бўлиб ўтган «Эйбар»га қарши ўйинда олган жароҳати (1:1) туфайли узоқ вақтга сафдан чиққан бўлиши мумкин.

Кечаги баҳсда унинг тиззасидаги бўғимидаги пайи жароҳатланган бўлиши мумкин. Бразилиялик футболчи бугун чуқурлаштирилган тиббий кўрикдан ўтади.

Агар унинг пайи узилган бўлса, футболчи операция қилинади. Бу ҳолда унинг тикланиши учун 4 ой вақт кетади. Пай қисман жароҳатланган бўлса, Коутиньонинг соғайиши учун 1,5 - 2 ой вақт талаб этилади.  

Филиппе шифокорлар ёрдамида майдонни тарк этганини инобатга олсак, унинг жароҳати анча жиддий. Шу тариқа, Коутиньо энг яхши ҳолатда майдонга февраль ойи ўртасида қайтади.

28 ёшли футболчи Испания чемпионатининг жорий мавсумида 12та ўйинда майдонга тушиб, 2та гол уриб, 2та голга узатма берди.