Лондоннинг "Тоттенхэм" клуби 30 декабрь куни «Фулхэм» клуби билан баҳс олиб бориши керак эди.

"Бироқ, "Фулхэм" футболчиларида коронавирус аниқланганлиги сабабли, "Лондон дербиси" қолдирилди. Бу ҳақда жамоалар ўйин бошланишига бир неча соат қолганида огоҳлантирилди. Моуриньо бундай вазиятда жамоани қандай қилиб етарли даражада тайёрлаш кераклигини тушунмаслигини билдирди.

«Мен бу ҳақда кўп гапиришни хоҳламайман, лекин шуни айтишим керакки, АПЛнинг бундай ҳатти-аҳаракатлари профессионаллик ҳисобланмайди.

Биз бу ўйинга ҳафта мобайнида тайёргарлик кўрдик, бироқ, якунда ўйнамадик. Бу тизимли ишлашга ҳалақит беради. Одамлар бу ўйинни қолдирилишини биз учун фойдали демоқда, лекин бу ҳақда мен эртароқ билишим керак эди», – деди мураббий.

2 январь куни "Тоттенхэм" «Лидс»га қарши баҳс олиб боради. «Тоттенхэм» икки ҳафта мобайнида АПЛда пешқадамлик қилди, лекин уларнинг кетма-кет мағлубият пастга ўринга тушиб кетишига сабаб бўлди.