Лондоннинг «Челси» клуби бош мураббийи Фрэнк Лэмпард «Манчестер Сити» клубига қарши бўлиб ўтадиган ўйиндан олдинги фикрлари билан ўртоқлашди.

«Фикримча, «Арсенал»га қарши ўйинимиз жорий мавсумдаги энг ёмони бўлди, биринчи бўлимни бутунлай барбод қилдик. «Астон Вилла»га қарши биз фаол ўйнагандик, ғалаба қозонишга имконимиз бўлганди, лекин яратилган вазиятдан фойдалана олмагандик.

«Манчестер Сити» билан ўйинда "Арсенал"га қарши кўрсатган ўйинимиздан кўра тезроқ ҳаракат қилишимиз керак. Ҳимояда тартибли ўйин намойиш этишимиз керак, «шаҳарликлар»га қарши футболчиларимдан шундай ўйин кутяпман.

Жамоамизга ишонаман, чунки ўз майдонимизда исталган жамоани мағлуб эта олишимизга ишонаман, агар ўзимизнинг ўйинни намойиш этадиган бўлсак», - деди Лэмпард «Челси» матбуот хизматига.