Тарқатилган миш-мишларга ишониладиган бўлса, Мадриднинг «Реал» клуби ёзги трансфер бозорида катта харидни амалга оширмоқчи.
«Қаймоқранглилар» ёзгача бир қатор юлдуз футболчилар билан музокара олиб бормоқчи, уларнинг бири - «ПСЖ» ҳужумчиси Килиан Мбаппе.
Sky Sports нашрининг тарқатган маълумотига қараганда «Реал» «Ливерпуль» ҳужумчиси Муҳаммад Салоҳга ҳам жиддий қизиқиш билдирмоқда. Мисрлик футболчи "Реал"нинг ёзги трансфер бозоридаги асосий мақсади бўлиб турибди.
2020/2021 йилги мавсумда Салоҳ барча турнирларда 23 та ўйинни ўтказиб, 16 та гол киритди ва 4 та голга ассистентлик қилди.
