Франциянинг «ПСЖ» клуби янги бош мураббийи Маурисио Почеттино дастлабки интервьюсини берди.
«Жуда бахтиёрман. «ПСЖ» бош мураббийи бўлиш мен учун катта шараф. Менга ишонч билдиргани учун клуб раҳбариятига раҳмат айтаман. Ўзингизга маълум, бу клуб менинг юрагимдан муқим жой эгаллаган. Бу ерда ажойиб хотиралар қолган, айниқса «Парк де Пренс»даги ажойиб муҳит.
Дунёнинг энг иқтидорли футболчилар билан бирга ишлашни интизорлик билан кутяпман. Бу жамоанинг фантастик иқтидори бор ва биз ПСЖнинг барча фронтдаги натижаларини яхшилашга ҳаракат қиламиз. Шунингдек, жамоа жанговор ва ҳужумкор ўйин кўрсатиши учун барча билимизни ишга соламиз», - Почеттинонинг сўзларидан иқтибос келтирмоқда клуб расмий сайти.
