Лондоннинг "Тоттенхэм" клуби бош мураббийи Жозе Моуриньо АПЛнинг 16-тур доирасида "Фулхэм"га қарши ўйинни қолдирилиши юзасида яна ташкилотни танқид қилди.

— Бу нопрофессионаллик. Мен 30 йил олдин болалар ва ўсмирлар футболида ишлаганимда биз ўйинга эрталаб соат 09:00да келарди, рақиб эса — йўқ. Ёки баъзида Португалияда камдан-кам ёғадиган ёмғирли кунда ўйинга келардик, ҳакамлар эса келмасди. Ҳозир ҳам деярли худди шундай вазият рўй берди — биз стадионга деярли келиб бўлгандик ва якунда ўйнамадик. Ўйинга жиддий тайёргарлик кўрдим, аммо ўйнамадик — бутун бир ҳафталик ишимиз ҳавога учиб кетди. Ўйиндан бир кун олдин барча ОАВ учрашув ўтказилмаслиги ҳақида ёза бошлади. Ҳаттоки жамоамиз таркибидаги хорижий футболчиларимиз ҳам ёнимга келиб, ўз юртларида ўйинни бекор қилиш ҳақида ёзишаётганини айтишди. Аммо, мен ҳам, клуб раҳбарияти ҳам уларга тушунарли жавоб бера олмадик, — деди Моуриньо The Sun билан суҳбатда.