Londonning "Tottenxem" klubi bosh murabbiyi Joze Mourinyo APLning 16-tur doirasida "Fulxem"ga qarshi o‘yinni qoldirilishi yuzasida yana tashkilotni tanqid qildi.
— Bu noprofessionallik. Men 30 yil oldin bolalar va o‘smirlar futbolida ishlaganimda biz o‘yinga ertalab soat 09:00da kelardi, raqib esa — yo‘q. Yoki ba’zida Portugaliyada kamdan-kam yog‘adigan yomg‘irli kunda o‘yinga kelardik, hakamlar esa kelmasdi. Hozir ham deyarli xuddi shunday vaziyat ro‘y berdi — biz stadionga deyarli kelib bo‘lgandik va yakunda o‘ynamadik. O‘yinga jiddiy tayyorgarlik ko‘rdim, ammo o‘ynamadik — butun bir haftalik ishimiz havoga uchib ketdi. O‘yindan bir kun oldin barcha OAV uchrashuv o‘tkazilmasligi haqida yoza boshladi. Hattoki jamoamiz tarkibidagi xorijiy futbolchilarimiz ham yonimga kelib, o‘z yurtlarida o‘yinni bekor qilish haqida yozishayotganini aytishdi. Ammo, men ham, klub rahbariyati ham ularga tushunarli javob bera olmadik, — dedi Mourinyo The Sun bilan suhbatda.
