Римнинг «Рома» клуби бош мураббийи Паулу Фонсека А Серия доирасида «Самподория» (1:0) устидан қўлга киритилган ғалаба ҳақидаги фикрлари билан ўртоқлашди.
«Биз учун энг муҳими – ғалаба. Жамоамизда ҳаммаси яхши, кўп ишлаяпмиз ва мукаммаллашиб боряпмиз. Бугун ўйинни назорат қилдик ва уч очкони учун ҳақли эдик. Янада кўпроқ гол уришимиз мумкин эди.
Қишки трансфер бозори? Кўрамиз, январь ойида нималар рўй бераркин. Раҳбарият билан гаплашаман, жамоага нима кераклигини улар билишади», - Фонсеканинг сўзларидан иқтибос келтирмоқда DAZN.
