Лондоннинг «Челси» клуби ҳимоячиси Тиаго Силва жамоасининг Премьер-лигадаги ўйинлари ҳақида «Манчестер Сити» (1:3) қарши учралган мағлубиятдан кейин фикр билдирди.
«Мен нимадир нотўғри эканлигини тушунмаяпман. Агар буни аввалроқ билганимда, у ҳолда жамоага мана шу ҳақда маслаҳат берардим. Хулоса шуки, футбол шундай. АПЛ - дунёнинг энг қийин чемпионатларидан бири саналади.
Эҳтиёт бўлиб ўйнаш ва кўпроқ ишлаш керак, бир жамоа сифатида кучлироқ бўлишимиз шарт. Бироқ, ўйлайманки, бизнинг таркиб яхши. Иккинчи бўлимда биринчисига қараганда яхшироқ ўйнадик деб ҳисоблайман», – деди Силва RMC Sport билан суҳбатда.
