Бельгиянинг HLN.be сайтини ёзишига қараганда, Кевин де Брюйне "Манчестер Сити" томонидан шартномани узайтириш борасидаги биринчи таклифга рад жавоб берган.
Манбанинг ёзишига қараганда, бельгиялик фуболчини клуб томонидан таклиф қилинган шартнома шартлари қониқтирмаган, шу сабабли, музокаралар яқин вақтлар ичида давом эттирилмайди.
Шу билан бирга, манбанинг ёзишича, узоқ давом эттирилган музокара футболчига ортиқча босим ўтказмоқда, бу эса унинг "шаҳарликлар" билан муносабати бузилишига олиб келиши мумкин.
Де Брюйненинг амалдаги шартномаси 2023 йилнинг ёзигача амал қилади. У жорий мавсум 18 та ўйинда майдонга тушди.
