Италиянинг «Милан» клуби бош мураббийи Стефано Пиоли А Серия доирасида «Ювентус»га қарши бўлиб ўтадиган ўйиндан олдинги фикрлари билан ўртоқлашди.

«Мен «Ювентус»дан тараққиёт кутяпман, улар янги йўлни бошлаши керак. Улар нимадир йўқотишди, лекин кучли жамоалигича қолмоқда. Улар майдонда яхши ташкил этилган ўйин намойиш этишади. Бу тактик нуқтаъи-назарда муҳим ўйин бўлади.

Биз ўз мақсадларимизни ўзгартира олмаймиз. Эртага бизнинг «Ювентус»га қарши мақсадимиз - ғалаба қозонишга ҳаракат қилиш. «Милан» ва «Ювентус»ларнинг ўзаро қарама-қаршиликлари тарихий бўлиб қолган. Бу ҳал қилувчи ўйин эмас, лекин жуда муҳим. Ғалаба қозонишни хоҳлаймиз», - деди Пиоли ўйиндан олдин ўтказилган матбуот анжуманида.

«Милан» ва «Ювентус» 6 январь куни ўзаро баҳс олиб боради. Айни пайтда «россонерлар» турнир жадвалида биринчи, «кекса синьора» эса бешинчи ўринда бормоқда.