«Ман Сити» устози Пеп Гвардиола жамоа етакчиларидан бири Кевин де Брюйне келажаги ҳақида фикр билдирди.
«Менимча, Кевин биз билан шартномаси якунига еткунга қадар қолади. Лекин биз унга ҳурмат сақлаган ҳолда ўз шахсий қарорларини чиқаришига тўсқинлик қилмаймиз. Қайси клубни танлаши - бу унинг хоҳиши.
Лекин мен ҳали раҳбарият билан бу масалада гаплашганим йўқ ва янги шартнома борасида тайинли гап айта олмайман. Кевин ҳам бизнинг ҳурматимизни яхши англаб турибди. Мен унинг келажаги борасида ортиқча хавотир олганим йўқ», - дейди Пеп.
Эслатиб ўтамиз, Де Брюйненинг «шаҳарликлар» билан амалдаги шартномаси 2023 йилнинг ёзига қадар мўлжалланган.
