Мадриднинг «Атлетико» клуби бош мураббийи Диего Симеоне Испания Кубоги доирасида «Корнелья» (0:1) клубига имкониятни бой берганидан кейинги фикрларини билдирди.

Ўйин ҳақида:

«Улар ҳақли ғалабага эришди, чунки, улар қандай хоҳлаган бўлса, шундай ўйнашди. Улар стандарт вазиятлардан фойдаланишди ва тўпни дарвозамиз томон аниқ йўллашди. Иккинчи бўлим қийин ўтди ва четлатилишдан кейин яна-да қийинлашиб кетди.

Биз ушбу мусобақада муваффақият қозона олмаяпмиз, келаси йили ушбу муаммони бартараф этишимиз керак. Футболчилар бор кучини сарфлашди, лекин, баъзида керакли натижа қўлга киритилади, баъзида эса - йўқ.

Биз ҳа доим ғалаба қозонишни истаймиз, аммо «Корнелья» кейинги босқичга йўл олишга ҳақли эди. Бизда вазиятлар бўлди, лекин улар ўйинни яхши бошлашди».

Ўзининг келажаги ҳақида:

«Футбол ўзгарувчан. Ҳар қандай вариантга ва клубнинг қарорларига тайёр туриш керак», – деди Симеоне.