«Вулверҳемптон» етакчиси Раул Хименес қисқа ҳажмли машғулотларга қайтди дея хабар беради клуб матбуот хизмати.
Бироқ, унинг базада қандай тартибда иштирок этаётгани ҳали оммага очиқланганича йўқ. Футболчининг бошидан ўтказган жарроҳлик амалиёти муваффақиятли якунланган ва у ҳозирда шериклари билан бирга шуғулланиши мумкин.
Эслатиб ўтамиз, мексикалик футболчи Давид Луис билан жиддий тўқнашувда иштирок этиб бошини шикастлаб олган эди. У жорий мавсум «бўрилар» сафида 11 та учрашувда майдонга тушган.
