Месси ҳамда Роналду гарчи ёшлари ўтиб бораётганига қарамай деярли ҳар бир учрашувда ўзига хос рекордларни қайд этиб боришмоқда.
Кеча аргентиналик юлдуз «Атлетик» дарвозасига иккита тўп киритиб жорий йилдаги сериясини очиб олди. Бу натижа билан у 17 йилдан бери ҳар йили гол уриб келадиган камдан кам футболчига айланди. Месси 2005 йилдан бери тўхтовсиз рақиблари дарвозасини ишғол этиб келади.
Унга бу борада фақатгина Роналду рақобатлашиши мумкин. Португалиялик юлдуз ҳам фаолиятининг бошидан бери бирорта йилни голсиз якунламаган. У жорий йилдаги илк голини 3 январда «Удинезе» дарвозасига киритди.
