Туриннинг "Ювентус" клуби ҳимоячиси Леонардо Бонуччи А Серия доирасида "Милан" (3:1) устидан қўлга киритилган ғалаба ҳақидаги фикрлари билан ўртоқлашди.
— Ўйинни бошидан охиригача яхши назорат қилдик. Бизда жуда кўплаб вазиятлар бўлди ва рақибларни ўзларининг хатолари эвазига жазоладик. "Милан" қарши ҳужумларда бизга хавф туғдиришини яхши тушуниб тургандик, лекин биз жамоавий яхши ўйин намойиш этдик. Бу бизни олдинга чорлаган руҳият бўлди. Бир ғалабадан иккинчисига ўтишда давом этамиз. Бу бизни ғалабага чанқоқ эканлигимиздан далолатдир. Бизнинг навбатдаги мақсадимиз — "Сассуоло"ни мағлуб этиш. "Ғалабалар серияси"ни давом эттиришимиз керак, — деди Бонуччи Sky Sport Italia билан суҳбатда.
