Испания Ла Лигаси 18-тури доирасидаги «Осасуна» ҳамда «Реал» иштирокидаги учрашув бекор қилиниши мумкин дея хабар беради Мarca.
Бу воқеага мамлакатнинг шимолий ҳудудидан эсувчи кучли «Филомена» бўрони сабаб сифатида келтирилмоқда. Ушбу учрашувдан ташқари мана шу зонага қарашли бўлган бошқа ўйинларнинг ҳам бекор қилиниш эҳтимоли мавжуд.
«Осасуна» ҳамда «Реал» учрашуви 9 январь санасида ўтказилиши режалаштирилган эди.
Маълумот учун, 17 турдан сўнг «қироллик» клуби 36 очко билан иккинчи ўринни банд этиб турибди. "Осасуна" эса 19-поғонага жойлашган.
