Амстердамнинг «Аякс» ккуби Лондоннинг «Вест Ҳем» жамоаси ҳужумчиси Себастьян Аллерни расман сотиб олганини маълум қилди.
Клуб матбуот хизматининг хабар беришича, нидерландияликларга ушбу трансфер 22,5 миллион еврога тушган. 26 ёшли футболчи янги клуби билан 2025 йилгача мўлжалланган шартномага имзо чекди.
Себастьян «Аякс»да 22-рақамда тўп суради.
Маълумот учун, Аллер жорий мавсум «болғачилар» сафида 2019 йилдан бери ўйнаб келади. У бу оралиқда 53 та учрашувда майдонга тушиб 14 та гол ва 3 ассистни қайд этган.
