"Сурхон" жамоаси бугундан Тошкентда навбатдаги мавсумга тайёргарликни бошлади. Бугун асосан тикланиш ва жисмоний машқларга эътибор қаратилди.
Аввал таъкидлаб ўтганимиздек бу йили жамоа асосан маҳаллий ва ёш футболчиларга эътибор қаратади.
Ўтган мавсумни ҳам жамоамиз таркибида ўтказган Сурхондарёлик тажрибали ярим ҳимоячи Элдор Бойматов яна жамоамиз машғулотларига келиб қўшилди.
"Шўртан" жамоасидаги ўзининг ажойиб ўйинлари ва голлари билан муҳлисларга яхши таниш бўлган Сурхондарёлик ҳужумчи Жасур Холтўраев ҳам жамоамиз машғулотларида иштирок этмоқда.
Шунингдек, Яйпайнинг "Турон" жамоасига ўтганлиги ҳақида миш-мишлар тарқалган ёш ва тажрибали ҳимоячи Иброхим Йўлдошев ҳам машғулотларда иштирок этмоқда.
Бу ҳали ҳаммаси эмас. Клубда селекция ишлари давом этмоқда.
Яқин кунларда Сербия, Россия ва Украинадан легионерлар келиб қўшилиши кутилмоқда.
Эслатиб ўтамиз, аввалроқ "Сурхон" 2021 йилда маҳаллий ва ёш иқтидорли футболчилар хизматидан фойдаланиши ҳақида расмий канали орқали расмий хабар берганди.
