«Бавария» клуби Бундеслиганинг 15-тури доирасида Менхенгладбахда «Боруссия» клуби меҳмони бўлиб, 2:3 ҳисобида мағлуб бўлди.

Мюнхенликлар учрашувнинг 26-дақиқасида 2:0 ҳисобида олдинга ўтиб олишган эди. Шунга қарамай, «Бавария» якунда имкониятни бой берди.

Шу тариқа, «Бавария» сўнгги 10 йилда илк марта Бундеслига доирасида 2та тўп фарқи билан олдинда бораётиб, ютқазди. Жамоа 2011 йилнинг 5 февраль куни бўлиб ўтган "Кёльн"га қарши баҳснинг 55-дақиқасида 2:0 ҳисобида олдинда бориб, якунда 2:3 ҳисобида мағлубиятга учраган эди.