«Милан» бош мураббийи Стефано Пиоли Италия чемпионатининг 17-тури доирасида «Торино»га қарши ўйин (2:0) борасида ўз фикрини билдириб ўтди.

«Тан оламан, бу натижа мени ҳайрон қолдирмади. Мен бу йигитларни яхши биламан. «Ювентус»га қарши ўйиндаги мағлубиятдан кейин муносиб жавоб қайтаришларини кутгандим. Баҳснинг биринчи бўлими ажойиб ўтди. Иккинчи таймда эса «Торино»нинг босимига дуч келдик.

Тоналли ва Браҳим Диаснинг жароҳати? Ҳозирча менда маълумот йўқ. Ҳар икки футболчи ёқимсиз лат ейишди. Леаунинг кейинги ўйинда иштирок эта олмаслиги мени ғазаблантирмоқда. Ахир кейинги баҳсни ўтказиб юбориш хавфи остида турган футболчи майдон марказида симуляция ишлатмайди.

Ибраҳимовичнинг мушагидаги жароҳати ортда қолди. Чоршанба куни уни кўрамиз. Италия кубоги баҳсида қандай ҳаракат қиларкан. Златаннинг тезроқ формага қайтишига умид қиляпмиз.

Эртага «Рома» — «Интер» баҳсини албатта томоша қиламан. Турнир жадвалидаги вазиятдан келиб чиқиб эмас, икки ақлли мураббий ўртасида шунчаки яхши ўйин бўлгани учун уни кўраман», — деди Пиоли.