Туриннинг «Ювентус», Амстердамнинг «Аякс» ва Нидерландия терма жамоаси собиқ ярим ҳимоячиси Эдгар Давидс Португалиянинг учинчи дивизион вакили «Ольяненсе» клуби бош мураббийлигидаги дебют учрашувини ўтказди.
Қизиқарли томони шундаки, «Лузитану Эвора» (0:0) жамоасига қарши фаолиятида илк марта бош мураббийлик қилган Давидс қизил карточкага лойиқ кўрилди.
Ўйиндан сўнг ҳар икки жамоа футболчилар мураббийлари аралашган ҳолда даҳанаки жанг ўтказишди. Якунда Давидс қизил карточка олди, унинг «Лузитану Эвора»даги ҳамкасби эса сариқ карточкага лойиқ деб топилди.
Учрашувдан сўнг, Давидс ОАВ билан суҳбатлашишдан бош тортди ва четлатилишнинг сабабини ошкор қилмади.