Ўтган мавсумда «Машъал» шарафини ҳимоя қилиб, яқинда "Пахтакор" билан шартнома имзолаган Шерзод Темиров ўз фикрлари билан ўртоқлашди.

"Авваламбор, мени яқиндан қўллаб-қувватлаган мураббийларга клуб ишчи ходимларига ва қадирдон бўлган мухлисларга  ўз миннатдорчилигимни билдирмоқчиман. Мени “Машъал” жамоаси таклиф қилган Илҳом Қурбоновга катта раҳмат айтаман. «Машъал» нафақат менга, балки бутун ўзбек футболига жуда катта ҳисса қўшмоқда.

Очиғи, “Пахтакор”дек жамоадан таклиф тушганидан ҳайрон қолдим. Бу жамоада Ўзбекистоннинг энг кучли футболчилари тўп суради ва улар фақат чемпион бўлиш учун ҳаракат қилишади. “Пахтакор” жамоасида футбол ўйнаш эса ҳар бир футболчининг орзуси деб ўйлайман. Мен “Пахтакор” жамоасига қўлимдан келгунча ёрдам бериб, жамоанинг етакчи футболчиларидан бўлишга ҳаракат қиламан. Аслида эса мени бу даражага етишимга “Машъал” футбол клуби алоҳида ўрин тутади. «Машъал» абадий юрагимда қолади ва мен жамоадан умирбод қарздорман", — деди футболчи муборакликлар матбуот  хизматига берган интервьюсида.