O‘tgan mavsumda «Mash’al» sharafini himoya qilib, yaqinda "Paxtakor" bilan shartnoma imzolagan Sherzod Temirov o‘z fikrlari bilan o‘rtoqlashdi.

"Avvalambor, meni yaqindan qo‘llab-quvvatlagan murabbiylarga klub ishchi xodimlariga va qadirdon bo‘lgan muxlislarga  o‘z minnatdorchiligimni bildirmoqchiman. Meni “Mash’al” jamoasi taklif qilgan Ilhom Qurbonovga katta rahmat aytaman. «Mash’al» nafaqat menga, balki butun o‘zbek futboliga juda katta hissa qo‘shmoqda.

Ochig‘i, “Paxtakor”dek jamoadan taklif tushganidan hayron qoldim. Bu jamoada O‘zbekistonning eng kuchli futbolchilari to‘p suradi va ular faqat chempion bo‘lish uchun harakat qilishadi. “Paxtakor” jamoasida futbol o‘ynash esa har bir futbolchining orzusi deb o‘ylayman. Men “Paxtakor” jamoasiga qo‘limdan kelguncha yordam berib, jamoaning yetakchi futbolchilaridan bo‘lishga harakat qilaman. Aslida esa meni bu darajaga yetishimga “Mash’al” futbol klubi alohida o‘rin tutadi. «Mash’al» abadiy yuragimda qoladi va men jamoadan umirbod qarzdorman", — dedi futbolchi muborakliklar matbuot  xizmatiga bergan intervyusida.