Стив Кинни таҳқирловчи баннерлар ҳатто стадионга киритилиши тақиқлаб қўйилгач, "Блэкбёрн Роверс" фанатлари самолёт ёллаб унинг қуйруғига Киннинг кетишга сорловчи баннерлар осиб, стадион узра парвоз қилдиришган эди.

Афтидан, Кин энди маълум муддат "роверс" рулини бошқара туради. Янги йил оқшомида кимсан "Манчестер Юнайтед" кураги "Олд Траффорд"да ерга теккизилди.

Олдинги 5:0 ҳисобидаги ғалабалардан сўнг сэр Алекс Фергюсон ҳаволаниб кетган шекилли, бугунги ўйинга ҳам деярли иккинчи таркиб майдонга чиқарилди. Албатта, деярли бутун асосий таркибнинг жароҳат олгани ҳам рол ўйнамасдан қолмади. Хуллас, кўза эса кунда эмас кунида синади, дейишади. Мана шу нарса содир бўлди. Энди 5 ўйиндан буён кетма-кет қозонилган ғалабалар абас кетмаслиги учун эртага "Сандерленд" майдонида "Сити" ҳам очко йўқотиши талаб этилади.

МАНЧЕСТЕР ЮНАЙТЕД - БЛЭКБЁРН РОВЕРС 2:3 (0:1)

Голлар: Бербатов (52, 63) - Айегбени (16-пен., 51), Ҳанли (80)

31 декабрь. "Олд Траффорд". 75146 томошабин.