Собиқ «МЮ» футболчиси Рио Фердинанд клубнинг янги трансфери Амад Тараоре борасида ўз фикрларини билдирди.

Инглиз клуби 18 ёшли Траорени «Аталанта»дан харид қилган бўлиб, айни пайтда унинг келажагига умид билан қараляпти.

«Бу йигитча бемалол жаҳон юлдузлари билан беллашиш имкониятига эга. Мен унга Роналду даражасида бўлиши учун ортиқча босим юкламоқчи эмасман.

Балки бунга ҳеч ким ишонмаслиги ҳам мумкин. Аммо у ўз устида ишлашда давом этар экан биз келажакда янги Криштиануни кўришимизга ишоняпман», - дея Рионинг сўзларидан иқтибос келтиради Goal.

Эслатиб ўтамиз, Роналду 2003-09 йиллар давомида «МЮ» шарафини ҳимоя қилган.