Ланкашир графлиги, Англия.  12.01.2021, маҳаллий вақт билан соат 20:15. Айнан шу макон ва вақтда АПЛ 1-тур (қолдирилган) ўйини бўлиб ўтади – “Бёрнли”- “Манчестер Юнайтед”.

"МЮ" учрашувда ғалаба қозонса “Ливерпуль”ни қувиб ўтади. Асли дуранг натижа ҳам шу оқибатни тақдим этади. Аммо, Сульшер шогирдлари дуранг учун ўйнамаслиги аниқ. Гап шундаки, клуб АПЛда сўнгги бор 8 йил илгари чемпионликни қўлга киритган ва ўша мавсумдан кейин ростманасига титул учун пойгада иштирок этмаганди. Ҳали мавсумнинг катта қисми олдинда, аммо барча (мухлислар, клубнинг собиқ футболчилари-ю, бефарқ бўлмаган экспертлар) бирдек бир нарсани таъкидламоқда – январ ойидаги “Бёрнли”, “Ливерпуль”, “Фулҳэм” ва “Шеффилд”га қарши ўйинлар ушбу пойгадаги "МЮ" тақдирини ҳал қилади. Ҳа, келаси ўйин тўғридан-тўғри рақобатчи бўлган “Ливерпуль”га қарши баҳс бор. Ундан илгари эса 16-ўринда бораётган Шон Дайч футболчиларининг қаршилигини енгиш лозим ва лобуд.

Демак, бугун АПЛда 1-тур ва пешқадам ўзгариши мумкин. Балки, бу ким учундир бурилиш нуқтаси бўлар...

Бирга кўрамиз!

УзРепорт ТВ/соат 01:15.

Ориф Толипов.