"Sky Sports"нинг хабар беришича Туриннинг "Ювентус" клуби "Рома" ҳужумчиси Марко Бориеллони олти ойга ижарага олган. Хабарда айтилишича агар шу муддат давомида Марко туринликлар мураббийида яхши таассурот қолдира олса, футболчини "Юве"да олиб қолиш ҳам қўзда тутилмоқда.
Маълумки, пойтахт жамоасига испаниялик мутахассис Луис Энрике бош мураббий этиб тайинланганидан буён Бориелло асосий таркибдан кўп ҳам жой олаётгани йўқ эди. Шунинг учун ҳам Марко "Юве" таклифига ҳеч иккиланмай рози бўлган.
Унинг ижараси учун 500, 000 дан 1 миллион еврогача тўланган, дея тахмин қилинмоқда. Агар кейинчалик туринликлар ҳужумчини сотиб олишга қарор қилсалар, бу улар учун 7,5 миллион еврога тушади.