«Манчестер Юнайтед» ҳужумчиси Маркус Рэшфорд хайрли ишларни амалга оширишда давом этади. Куни кеча футболчи эҳтиёжмандлар учун озиқ-овқат саватлари етарли даражада тўлдирилмаслигига эътибор қаратди. Маркус бир нечта фотосуратларни ижтимоий тармоқларга жойлаштирди ва битта оиланинг уч кунлик овқатланиши учун жуда оз миқдордаги озиқ-овқат борлиги ҳақида ёзди.

Энди Рашфорд Буюк Британия Бош вазири Борис Жонсон билан ушбу масалани муҳокама қилди.

«Ҳозиргина бош вазир билан яхши суҳбат ўтказдим. У мени озиқ-овқат саватлари билан боғлиқ муаммони ҳал қилмоқчи эканлигига ишонтирди ва айни пайтда таъминот занжири бўйича тўлиқ текширув ўтказилмоқда. "Твиттер"га жойлаштирилган фотосуратлардаги озиқ-овқат саватларини қабул қилинмаслигига рози бўлди», - деб пост қолдирди Рэшфорд.