Мадриднинг «Реал» футболчиси Винисиус Жуниор жорий мавсумда жамоанинг 11 та учрашувида майдонга тушди, лекин бу билан бразилиялик футболчини мунтазам равишда майдонга тушяпти деб бўлмайди. Масалан, жамоанинг Ла Лигадаги сўнгги тўртта ўйинида Винисиус майдонда атиги 21 дақиқа тўп сурди.
AS нашрининг тарқатган маълумотига қараганда, Винисиус ва Зинедин Зиданларнинг муносабати ёзда ЕЧЛнинг 1/8 финал жавоб учрашувида «Манчестер Сити» клубига қарши ўйинда ёмонлашган.
Ўшанда бразилиялик футболчи Зидан жамоа билан суҳбат ўтказаётган пайтда уяли телефонидан фойдаланиб ўтирган. Сабаби, Винисиус асосий таркибдан жой олмаганини билгач, бор эътиборини уяли телефонига қаратган.
