Италиянинг «Наполи» клуби ўзининг расмий сайти орқали Италия Суперкубоги доирасида «Ювентус»га қарши бўлиб ўтадиган ўйин борасида расмий баёнот тарқатди. Ушбу баҳс 20 январь куни ўтказилиши режалаштирилган.
«Клубимиз президенти Аурелио де Лаурентис Суперкубок ўйинини мавсум охирига ёки бир қатор мантиқий сабабларга кўра баҳорга кўчиришини сўрагани рост. Баҳорда ҳеч бўлмаса қисман мухлислар учун трибуналарни очилишига рухсат берилишига умид бор эди. Бундан ташқари, Де Лаурентииснинг таклифи коронавирусга қарши тадқиқотлар учун катта миқдордаги маблағ тўплаш учун минтақавий ва давлат ҳокимияти органлари ва турли донорлардан қўшимча маблағ излашга қаратилган эди.
«Наполи» ушбу таклиф қабул қилинмаганлигини тасдиқлайди. Жамоа 20 январь куни «Ювентус» га қарши ўйинга ташриф буюради, - дейилади расмий баёнотда.
