Модрич «Реал» билан янги шартнома борасидаги музокаралар ҳақида гапирди.
Тажрибали яримҳимоячи яқин орада Мадридни тарк этмоқчи эмас.
«Мен клуб билан музокаралар олиб боряпман, барчаси тўғри йўналишда кетмоқда. Умуман олганда, ҳеч нарса ўзгармаган. Мен шу ерда бахтлиман, рақобатбардош бўлиш учун машғулотларда кўп ишлашга ҳаракат қиламан. Ёш бу муаммо эмас »- дейди Лука Модрич.
Эслатиб ўтамиз, 2012 йилдан буён «қироллик клуби»да тўп тепаётган 35 ёшли хорватнинг амалдаги шартномаси келаси йилнинг ёзида якунига етади.
Маълумот учун, Модрич жорий мавсум Ла Лигада 17 ўйин ўтказиб, 3 гол ва 1 голли узатмани ўзига расмийлаштирган.