Амирликлар миллий ва олимпия терма жамоаларининг 22 ёшли ҳимоячиси Европа клублари сафида тўп сурувчи илк легионер мақомига эришишга яқин турибди.
Франция 1-дивизиони флагманларидан бири Лионнинг "Олимпик" клуби БААнинг "Ал-Ваҳда" клубида ўйнаётган ёш ҳимоячига қизиқиш билдирмоқда.
БАА олимпия терма жамоасининг сардори бўлмиш 22 ёшли марказий ҳимоячини қишки трансфер дарчаси очиқлигида французлар ўз сафларига қўшиб олиш учун ҳаракатни бошлаб юборишган. Чунки "Олимпик"нинг бу футболчига бўлган ёздаги қизиқиши муваффақиятсиз якунланганди. "Ал-Ваҳда" ўйинчининг сотилмаслигини билдириб, таклифларга рад жавобини берган эди.
Бироқ, "Лион" бош мураббийи Реми Гард буркина-фасолик ҳимоячи Бакари Коне Африка миллатлар кубогида қатнашиш учун кетаётганлиги сабабли, таркибни мустаҳкамлашга ҳаракат қилмоқда.
"Ал-Ваҳда" бош мураббийи Йозеф Хикерсбергернинг айтишича, жума куни "Ал-Васл" устидан 2:1 ҳисобида қозонилган ғалабадан сўнг французларнинг ёш ҳимоячи хизматидан фойдаланишга бўлган хоҳиши ортган.
"Француз клуби вакиллари ўйиндан кейин менинг ёнимга келиб, бу йигитчанинг "Ал-Ваҳда" сафидаги сўнгги ўйини бўлди, деб қўйишди", деган Хикерсбергер.
БААнинг Sport360 газетасининг хабар беришича, агар жиддий таклифлар тушса, "Ал-Ваҳда" ўз ўйинчисини камида 10 миллион еврога пуллашга қарши эмас.
