Франциянинг «Бордо» клуби ҳимоячиси Пабло фаолиятини Москванинг «Локомотив» клубида давом эттирадиган бўлди. Бу ҳақда «темирйўлчилар» матбуот хизмати хабар бермоқда.
Бугун бразилиялик футболчи тиббий кўрикдан ўтади ва шартнома имзолайди. Шартнома 2024 йилнинг ёзигача қадар имзоланадиган бўлди.
Россия матбуотининг ёзишига қараганда, ушбу трансфер 2,5 миллион еврони ташкил этди.
Пабло «Бордо» таркибида 2015 йилдан бери ўйнаб келмоқда. Ҳимоячи францияликликлар таркибида 113 та ўйинда майдонга тушиб, 7 та гол киритди ва 5 та голга ассистентлик қилди.
