Ғарб тарихига назар ташланса Рим империясидан кейин келган кўплаб иқтидорлар, ҳукумат ва мамлакатлар ўзларини Римга қиёслашган ёки шунга уринишган. Ҳақиқатда жуда катта бир тамаддуннинг маркази бўлган — Рим. Гладиаторлар ўртасидаги жанглар тарихнинг қора саҳифаси сифатида ёпилгач шаҳар аҳли узоқ вақт бунинг муқобилини излади. 1929 йилда эса бу муқобил пайдо бўлди.

1929 йил 8 декабрь куни тарихда илк маротаба “Лацио” - “Рома” ўртасида футбол учрашуви ўтказилди. Шундан кейин шаҳар аҳолиси бироз овунди. Бу тўқнашулар футбол тарихига ҳам энг қонли тўқнашув сифатида кирди. Шундай бўлдики ,1979 йилдаги ўйин вақтида бу қарама-қаршилик чегарадан чиқиши “Лацио” фанатининг ўлимигача етиб борди.

Гарчи замонавий дунёда барча йўллар Римга элтмай қўйган бўлсада, Рим шаҳрининг ўзида барча йўллар “Олимпико”га элтади.

Бугун шу дербини бирга кузатиб борамиз. “Лацио” – “Рома”  (А серия, 18-тур). Соат: 00:45.

Ориф Толипов.