"Ливерпуль" бош мураббийи Юрген Клопп англиялик собиқ ҳакам Марк Клаттенбургнинг сўзларига жавоб қайтарди. Рефери германиялик мутахассисни "иккиюзламачи", деб атаган эди.

Аввалроқ Клопп "Саутгемптон"га қарши учрашувни бошқарган Андре Марринерни танқид қилиб, рақиб жамоа дарвозаси томон пенальти белгиланиши керак бўлганини, агар "Ливерпуль" ўрнида "Манчестер Юнайтед" бўлганида, ҳакам албатта 11 метрли жарима зарбаси берган бўларди, деган маънода фикр билдирган эди. Клаттенбург эса Марринерни ҳимоя қилиб, Юргенни танқид остига олган эди.

"Саутгепмтон"га қарши ўйиндан сўнг айтган сўзларимни кимдир муҳокама қилганидан ҳайрон бўлдимми? Йўқ. Клаттенбург ҳақида тўхталадиган бўлсам, ундан кимдир нимадир ҳақида сўрашига ишончим комил эмас. У фаолиятини якунлаганидан анча вақт ўтиб биз унинг баёнотини муҳокама қиляпмиз.

Клаттенбург каби инсонлар шундай фикр билдирар экан, бу нарса ҳакамлар ҳақида кўп нарсаларни билдиради, мен ҳақимда эмас", - деди Клопп.