Футболчилик фаолиятининг асосий қисминин Андижон футболига бағишлаган дарвозабон, фаолиятини якунлаганидан кейин эса дарвозабонлар мураббийи бўлиб ишлаб келаётган Қобил Олимжонов "Андижон" жамоасини тарк этди.

Унинг "Андижон" жамоаси билан амалдаги шартномаси ўтган йилнинг декабрь ойи бошида якунига етган эди ва раҳбарият дарвозабонлар мураббийи билан шартномани узайтиришни хоҳламади.

Ўтган мавсумда "Андижон" жамоасида ҳаракат қилган Элдор Адҳамов, Исломбек Абдуллаев ва Аслан Аҳроровлар бир неча мартадан турнинг энг яхши дарвозабонлари бўлишганди.

Бизгача етиб келган маълумотларга қараганда, Қобилжон Олимжонов мураббийлик фаолиятини Бекободнинг "Металлург" жамоасида давом эттиришга яқин турибди.