Англиянинг «Ливерпуль» клуби ҳужумчиси Такуми Минамино ўтган мавсумда қўлга киритилган АПЛ чемпионлиги ҳиссиётлари билан ўртоқлашди. Япониялик футболчи "мерсисайдликлар" сафига «Ред Булл Зальцбург» жамоаси сафидан келиб қўшилганди.

«Менинг ўша пайтдаги туйғуларимни таърифлаш осош эмас. Албатта, бахтиёр эдим, аммо, мен жамоа сафида ярим мавсум ўйнаган эдим ва юз фоиз ҳисса қўшишимга шубҳа қилгандим.

АПЛ Кубогини баланд кўтарганимдан ғурурландим, аммо, мавсумда яхши ўйнаш кераклиги ҳақида ўйлардим. Менинг мақсадим – жамоам жорий мавсумда ҳам чемпионликни қўлга киритишига ёрдам бериш», - деди Минамино Goal.com порталига.