Наманган вилоят ҳокими, вилоят футбол ассоциацияси президенти Шавкат Шокиржанович Абдураззоқов футболнинг ҳақиқий фидойиси, шунингдек, “Навбаҳорга катта эътибор қаратаётганлиги боис, бугун кечки соат 23:00 да Наманган шаҳрининг Давлатобод туманидаги янги қурилаётган кутубхона биноси билан танишиш мақсадида, ташриф буюрган пайтида, ўтган мавсумда трансфер ҳуқуқи “Пахтакор”га тегишли бўлган ва “Навбаҳор”да ижара асосида тўп сурган, Ўзбекистон кубогининг чорак финал баҳсида “Насаф” дарвозасига белгиланган жарима зарбасини қойилмақом тарзда амалга ошириб, ҳисобни тенглаштиришга муваффақ бўлган иқтидорли, келажаги порлоқ ҳужумчи Шоҳруҳ Маҳмудҳожиев билан кўришиб, суҳбатлашди ва ёш футболчига “Навбаҳор”га ўтишни таклиф қилди.
Маҳмудҳожиев бу йилдан эркин агентга айланганлиги боис, ушбу таклифни қабул қилди ҳамда жамоамиз билан шартнома имзолади.
Энди 22 ёшли футболчи янги мавсумда “Навбаҳор” шарафини ҳимоя қилади.
